by Herdís Þorgeirsdóttir | 26.11.2015 | Almanak
Var einn af fyrirlesurum á ráðstefnu um jafnrétti kynjanna á stjórnmálavettvangi sem haldin var í Tbilisi í Georgíu. Ræddi meðal annars um sérstakar, tímabundnar ráðstafanir til að flýta fyrir því að raunverulegt jafnrétti karla og kvenna náist enda teljist slíkt ekki mismunun eða hafi í för með sér að ójöfnum eða ólíkum skilyrðum sé viðhaldið. Talaði einnig við opnun ráðstefnunnar af hálfu Feneyjanefndar sem stóð að henni ásamt kjörstjórn Georgíu.
Ræddi m.a. staðalímyndir, hlut kvenna í fjölmiðlum o.fl.
On November 25-26, the Central Election Commission (CEC) of Georgia in close cooperation with Venice Commission of the Council of Europe hosts the regional conference on “Gender Equality in Electoral Processes”. Tamar Zhvania, the CEC Chairperson, together with Khatuna Totladze, Deputy Minister of Foreign Affairs of Georgia, Cristian Urse, Head of the Council of Europe Office in Georgia, Herdis Thorgeirsdottir, Vice-President of the Venice Commission and Shombi Sharp, UNDP Deputy Resident Representative in Georgia made opening remarks at the conference.
by Herdís Þorgeirsdóttir | 19.11.2015 | Almanak
Herdís Þorgeirsdóttir var með framsögu á heimsþinginu um lýðræði í Strassborg þar sem þemað var um lýðræði eða aukið eftirlit. Herdís talaði í panel um þar sem til umfjöllunar var hvernig standa ætti vörð um hið borgaralega samfélag nú þegar stjórnvöld setja baráttuna gegn hryðjuverkum í forgang. Herdís fjallaði almennt um lög gegn hryðjuverkum, nýsett lög og lög sem bíða samþykkis og hvað bæri að varast þegar borgaralegum réttindum sem tjáninga- og félagafrelsi eru settar skorður.
by Herdís Þorgeirsdóttir | 30.10.2015 | Almanak
Var beðin að vera með framsögu á fundi nefndar Evrópuráðsins um lögfræðilega samvinnu aðildarríkjanna 47. Fundurinn fór fram í Evrópuráðshöllinni í Strassborg hinn 30. október. Umfjöllunarefnið var kynjasamþætting í löggjöf og stefnumótun. Konur eru enn beittar misrétti þrátt fyrir jafnréttislöggjöf og alþjóðlega samninga. Það er full þörf á að hafa áhyggjur af því að konur hafa víðar lakari aðgang að dómskerfinu; þær eru almennt verr launaðar og verr staddar.
Sjá ræðu hér: Presentation Strasbourg 30 Oct 2015 PDF
by Herdís Þorgeirsdóttir | 23.10.2015 | Almanak
Stýri hér á myndinni fundi Feneyjanefndar eftir hádegi föstudaginn 23. október þar sem tekin eru fyrir drög að álitum nefndarinnar varðandi lög sem eiga að stemma stigu við pólitískri spillingu í Úkraínu og fjárframlögum til stjórnmálamanna.
Chairing the Friday afternoon session of the 104th Plenary of the Venice Commission examining with a view to adoption draft opinions on legislative acts concerning prevention of and fight against political corruption in Ukraine.
by Herdís Þorgeirsdóttir | 8.10.2015 | Almanak
Var með fyrirlestur á ársþingi alþjóðasamtaka lögmanna (International Bar Association) sem nú stendur yfir í Vín. Umræðum stjórnaði barónessa Helena Kennedy (yst til hægri) sem á sæti í bresku lávarðadeildinni. Á myndinni eru aðrir framsögumenn á fundinum í morgun, Lucy Scott-Moncrieff lögmaður í London og Nick Stanage en hann og barónessa Kennedy eru lögmenn á virtri stofu í London, Doughty Street Chambers, en þar starfar einnig mannréttindalögfræðingur, sem er stöðugt í sviðsljósinu ekki síst vegna að hún er gift heimsfrægum Hollywoodleikara. Á þinginu í Vín eru um 6 þúsund lögmenn alls staðar að en alþjóðasamtök lögmanna eru með mörg áhugaverð mál á dagskrá (t.d. spillingu) og fundurinn í morgun var bæði fróðlegur og skemmtilegur. Næsti fundur verður haldinn í Washington D.C. haustið 2016 (á sama tíma og bandarísku forsetakosningarnar verða).
by Herdís Þorgeirsdóttir | 21.09.2015 | Almanak
Dagana 17.-18. september sótti undirrituð ráðstefnu í Dushanbe, Tajikistan sem varaforseti Feneyjanefndar. Ráðstefnan sem haldin er í tilefni af 20 ára afmæli stjórnlagadómstóls landsins var opnuð af forseta landsins, Emomali Rachmon og flutti undirrituð ávarp á eftir honum. Þema ráðstefnunnar sem sótt var af forsetum og dómurum stjórnlagadómstóla í mið-Asíu og austur-Evrópu fjallaði um mikilvægi þess að standa vörð um stjórnarskrár sem æðstu lög landsins. Myndin er af þátttakendum ráðstefnunnar eftir opnun hennar. Fyrir miðri mynd er Emomali Rachmon, forseti landsins.
Sjá heimasíðu Feneyjanefndar: http://www.venice.coe.int/webforms/events/?id=2102
Forseti Tajikistan flytur ræðu.
