by Herdís Þorgeirsdóttir | 14.05.2007 | Almanak
Herdís Þorgeirsdóttir prófessor stjórnar umræðum um Ár jafnra tækifæra við upphaf ársþings Evrópusamtaka kvenlögfræðinga (http://www.ewla.org/) sem haldið verður í Zurich 11. til 12. maí nk. Þátttakendur í umræðum eru Lenia Samuel varaframkvæmdastjóri Evrópusambandsins í nefnd framkvæmdastjórnarinnar í atvinnu-, félags- og jafnréttismálum. Hún fjallar um sýn Framkvæmdastjórnar ESB á ár jafnra tækifæra; Rodi Kratsa-Tsagaropoulo, varforseti Evrópuþingsins; Christa Prets, þingkona á Evrópuþinginu Zapfl-Helbling, varaformaður nefndar Evrópuráðsins um jöfn tækifæri.
Með Herdís á myndinni er Lena Linnainmaa. Í lok fundar var samþykkt um framtíð stjórnskipunarramma Evrópusambandsins, ályktun um meiri eftirfylgni með samþættingu jafnréttissjónarmiða og samræmingu vinnu og fjölskyldulífs. Dr. Susanne Baer prófessor viðHumbolt háskólanum í Berlín og dr. jur. Elisabeth Holzleitner dósent í réttarheimspeki við lagadeild háskólans í Vín voru með afar athyglisverðar framsögur á sviði samþættingar jafnréttissjónarmiða.
by Herdís Þorgeirsdóttir | 16.04.2007 | Almanak
Sérfræðingar á sviði jafnréttislaga hittust á árlegum fundi með framkvæmdastjórn Evrópusambandsins í Brussel. Dr. Herdís Þorgeirsdóttir hefur starfað í þessum hópi frá því í ársbyrjun 2003.
by Herdís Þorgeirsdóttir | 10.04.2007 | Almanak
Tveggja vikna lotukennsla hefst í dag. Dr. Herdís Þorgeirsdóttir prófessor hefur kennt námskeiðið Business & Human Rights (viðskipti og mannréttindi) frá því 2003 og er það í fyrsta sinn sem slíkt námskeið er kennt við lagadeild á Íslandi en síðan hefur það verið tekið upp í Háskólanum í Reykjavík. Námskeið Herdísar er valkúrs fyrir nema á þriðja ára og opið fyrir nemendur í viðskiptadeild líka að því tilskyldu að þeir hafi sótt námskeið í almennri lögfræði. Námskeiðið er kennt á ensku enda sótt af erlendum skiptinemum við háskólann á Bifröst.
by Herdís Þorgeirsdóttir | 28.03.2007 | Almanak
Eins og sjá má áheimasíðu Feneyjanefndarinnarsátu fulltrúar hennar, þau dr. Herdís Þorgeirsdóttir og Serguei Kouznetsov, fund sérfræðingahóps í mannréttinum í upplýsingasamfélaginu en það eru sérfræðingar aðildarríkja Evrópuráðsins, þar sem endurskoðun stóð yfir á tilmælum Ráðherranefndar Evrópuráðsins nr. R(99)15 um aðgerðir vegna umfjöllunar fjölmiðla í aðdraganda kosninga. Fundurinn fór fram í húsi Mannréttindadómstóls Evrópu og hann sátu jafnframt fulltrúar hagsmunaaðila, þ.á.m. evrópskra blaðaútgefenda (ENPA)og sambands evrópskra sjónvarpsstöðva (EBU). Tillögur fulltrúa Feneyjanefndarinnar varðandi breytingar á tilmælunum hlutu yfirgnæfandi stuðning í hópi sérfræðinganna.
by Herdís Þorgeirsdóttir | 27.03.2007 | Almanak
Herdís Þorgeirsdóttir prófessor mun kynna niðurstöður sínar og Owen Masters á fyrirhuguðum breytingum á tillögum Ráðherranefndar Evrópuráðs varðandi athugun á frammistöðu fjölmiðla í aðdraganda kosninga (Recommendation No. R (99) 15 on media coverage of election campaigns in the light of the development of digital broadcasting services and other new communication services). Herdís fer sem fulltrúi Feneyjarnefndar Evrópuráðsins.
by Herdís Þorgeirsdóttir | 8.03.2007 | Almanak
Frumvarp til breytinga á jafnréttislögum var kynnt í gær. Það verður þó ekki lagt fyrir á þessu þingi heldur því næsta. Þar er ákvæði um bann við launaleynd þar sem lagt er til að launamanni sé hvenær sem er heimilt að veita þriðja aðila upplýsingar um laun eða önnur starfsskilyrði.
Það var önnur tengslanets-ráðstefnan á Bifröst sem sendi frá sérályktun gegn launaleynd vorið 2005. Þema ráðstefnunnar var þá: Efnhagsleg völd til kvenna. Guðrún Erlendsdóttir áður dómari við Hæstarétt Íslands, sem flutti framsögu á tengslanets-ráðstefnunni s.l. vor var formaður nefndarinnar sem sá um endurskoðun jafnréttislaganna. Hún kvaðst binda vonir við það að niðurstöður nefndarstarfsins leiddu til þess að kynbundnum launamun yrði eytt. Meðfylgjandi mynd er af Guðrúnu Erlendsdóttur á tengslanets-ráðstefnunni vorið 2006.
