by Herdís Þorgeirsdóttir | 21.09.2015 | Almanak
Dagana 17.-18. september sótti undirrituð ráðstefnu í Dushanbe, Tajikistan sem varaforseti Feneyjanefndar. Ráðstefnan sem haldin er í tilefni af 20 ára afmæli stjórnlagadómstóls landsins var opnuð af forseta landsins, Emomali Rachmon og flutti undirrituð ávarp á eftir honum. Þema ráðstefnunnar sem sótt var af forsetum og dómurum stjórnlagadómstóla í mið-Asíu og austur-Evrópu fjallaði um mikilvægi þess að standa vörð um stjórnarskrár sem æðstu lög landsins. Myndin er af þátttakendum ráðstefnunnar eftir opnun hennar. Fyrir miðri mynd er Emomali Rachmon, forseti landsins.
Sjá heimasíðu Feneyjanefndar: http://www.venice.coe.int/webforms/events/?id=2102
Forseti Tajikistan flytur ræðu.
by Herdís Þorgeirsdóttir | 11.09.2015 | Almanak
Frá alþjóðlegri ráðstefnu evrópskra stjórnlagadómstóla, sem haldin var í Batumi í Georgíu, þar sem stjórnlagadómstóll landins hefur aðsetur. Ráðstefnan var opnuð af forseta Georgíu Giorgi Margvelashvili. Meginþema ráðstefnunnar var beiting stjórnlagadómstóla og æðstu dómstóla á alþjóðlegum mannréttindasamningum.
Myndin er frá fundinum en þar sitja í pallborði Arief Hidayet forseti stjórnlagadómstóls Indónesíu, Herdís Þorgeirsdóttir, Guido Raimondi varaforseti Mannréttindadómstóls Evrópu, Yurii Baulin, forseti stjórnlagadómstóls Úkraínu og Gagik Harutyunyan, forseti stjórnlagadómstóls Armeníu.
Sjá hér fyrirlestur Herdísar.
by Herdís Þorgeirsdóttir | 19.06.2015 | Almanak
103. aðalfundur Feneyjanefndar, nefndar Evrópuráðsins um lýðræði með lögum var haldinn dagana 19. – 20. júní. 
Stýrði umræðum um drög að áliti Feneyjanefndar um ný afar umdeild fjölmiðlalög í Ungverjalandi. Dómsmálaráðherra Ungverjalands tók þátt í umræðum. Álitið var einróma samþykkt af nefndinni.
Myndin hér er fyrir neðan er af nokkrum konum á aðalfundi Feneyjanefndar (nefnd Evrópuráðsins um lýðræði með lögum) hinn 19. júní s.l. Talið frá vinstri eru: Wilhelmina Thomassen (varafulltrúi Hollands og fyrrum dómari við Mannréttindadómstól Evrópu), Simona Granata Menghini (varaframkvæmdastjóri nefndarinnar), Sarah Cleveland (fulltrúi Bandaríkjanna, lagaprófessor), Anne Peters (varafulltrúi Þýskalands), Lydie Err (fulltrúi Luxemborgar), Gordana Siljanovska-Davkova (fulltrúi fyrrum júgóslavneska Lýðveldisins Makedóníu), Herdís Þorgeirsdóttir (varaforseti Feneyjanefndar), Hanna Suchocka (fulltrúi Póllands, prófessor og fyrrum forsætisráðherra), Veronika Bilkova (fulltrúi Tékklands) og Amaya Ubeda, lögfræðingur sem starfar hjá Feneyjanefnd í Strassborg.
Konur á aðalfundi Feneyjanefndar í júni 2015. Frá vinstri Wilhelmina Thomasen varafulltrúi Hollands í nefndinni og fyrrum dómari við Mannréttinadómstól Evrópu; Simona Granata-Menghini aðstoðar framkvæmdastjóri Feneyjanefndar, Sarah Cleveland fulltrúi Bandaríkjanna í Fenyjanefnd; Anne Peters varafulltrúi Þýskalands, Lydie Err, fulltrúi Luxemborgar, Gordana Siljanovska-Davkova fullrúi fyrrum júgóslaveska lýðveldisins Makedóníu; Herdís Þorgeirsdóttir fulltrúi Íslands og varaforseti nefndarinnar, Hanna Suchocka fyrrum forsætisráðherra Póllands og nú prófessor í lögum við háskólann í Gdansk, fulltrúi Póllands í nefndinni; Veronika Bilkova, fulltrúi Tékklands og Amaya Ubeda, starfsmaður Feneyjanefndar í Strassborg.
by Herdís Þorgeirsdóttir | 19.05.2015 | Almanak
Flutti fyrirlestur hjá Rótarý-klúbbi Kópavogs um pólitíska rétthugsun.
Sjá umfjöllun Rotarý.
by Herdís Þorgeirsdóttir | 17.04.2015 | Almanak
Funda- og félagafrelsi eru grundvallarréttindi lýðræðislegrar þátttöku borgara í samfélagingu. Engar skorður má setja þessu frelsi nema í samræmi við alþjóðalega mannréttindasamninga. Var á tveggja daga fundi Öryggis- og samvinnustofnunar Evrópu (OSCE) í Vín. Það verður ekki aðeins að huga að því að löggjöf aðildarríkja sé í samræmi við alþjóðleg viðmið heldur einnig framkvæmd laganna.
by Herdís Þorgeirsdóttir | 23.03.2015 | Almanak
Sjá hér um fundinn; álit nefndarinnar um lagasetningu um stöðu dómara í Úkraínu og meira af niðurstöðum nefndarinnar á 102. aðalafundinum nú í mars.
