East of My Youth á Kex Hostel 7. maí
East of My Youth frumsýnir nýtt myndband á Kex Hostel n.k. fimmtudag, 7. maí kl. 21.00 – 23.00. Myndbandið heitir Only Lover.
Dómara vikið úr starfi (brot á 6 grein MSE)
Nú rétt í þessu, fimmtudaginn 30. apríl, komst Mannréttindadómstóll Evrópu að þeirri niðurstöðu í máli Mitrinovski gegn fyrrum Júgóslavneska lýðveldinu Makedóníu að stjórnvöld þar í landi hefðu gerst brotleg við 6. grein Mannréttindasáttmála Evrópu um réttinn til réttlátrar málsmeðferðar. Málsatvik voru þau að dómara að nafni Mitronovski við áfrýjunardómstól í Skopje var vikið frá störfum vegna ófaglegar háttsemi. Mannréttindadómstóllinn taldi að málsmeðferðin sem leiddi il þess að Mitronovski var vikið frá störfum hefði ekki lotið reglum hlutleysis þar sem forseti hæstaréttar landsins hefði bæði átt frumkvæði að málinu og síðan átt þátt í endanlegri ákvörðun um brottvikningu dómarans.
Víða pottur brotinn.
Megin ógnir lýðræðis nú
Tveir megin annmarkar lýðræðisins í ríkjum Evrópuráðsins nú eru:
• Skortur á sjálfstæði dómstóla
• Skortur á frjálsum fjölmiðlum
Sjá skýrslu framkvæmdastjóra Evrópuráðsins 29 apríl (https://wcd.coe.int/com.instranet.InstraServlet…)
Hjónabönd samkynhneigðra fyrir hæstarétti Bandaríkjanna
Nú er hart tekist á um það í hæstarétti Bandaríkjanna hvort nokkrum fylkjum sé stætt á því að banna hjónabönd samkynhneigðra. Íhaldssama sjónarmiðið er að það eigi að vera í verkahring ríkjanna sjálfra að ráða með lögum hvernig hjúskaparmálum er háttað. Aðrir segja að bandaríska stjórnarskráin sé skýr heimild um það að allir eigi að vera jafnir fyrir lögum og það þýði að einstaka ríki geti ekki einskorðað réttinn til að ganga í hjónaband við gagnkynhneigða.
Dagur Rómafólksins
Dagurinn 8. apríl er af Evrópuráðinu helgaður Rómafólkinu, sem er stærsti minnihlutahópur Evrópu, um tólf milljónir. Þetta fólk býr við mikla andúð og fordóma, sætir oft líkamlegu ofbeldi og er iðulega á flakki milli staða eða landa. Öldum saman var þetta fólk kallað Sígaunar og brennimerkt sem ómerkilegt og óábyggilegt. Nítjándu aldar tónskáldið Franz Liszt gerði tónlist Rómafólksins hátt undir höfði enda sagði hann alla ungverska tónlist eiga rætur að rekja til Sígauna. Hér er verk hans Ungversk Rapsódía nr. 2 https://www.youtube.com/watch?v=0odaG9qi818
(Evrópuráðið var stofnað 5. maí 1949 í kjölfar hörmunga síðari heimstyrjaldarinnar. Ísland gerðist aðili að Evrópuráðinu 7. mars 1950.
Samkvæmt stofnskrá Evrópuráðsins er því ætlað að efla samvinnu aðildarríkjanna með það að markmiði að standa vörð um mannréttindi, styrkja lýðræðislega stjórnarhætti, efla mannleg gildi og almenn lífsgæði Evrópubúa. Rík áhersla hefur verið lögð á að auka skilning og samkennd meðal íbúa álfunnar á grundvelli sameiginlegrar arfleifðar.
Á grundvelli þessara markmiða sinnir Evrópuráðið fjölbreytilegum málaflokkum eins og mannréttindamálum, félagsmálum, umhverfismálum, sveitarstjórnarmálum, menntunar- og menningarmálum ásamt samvinnu á sviði löggjafar svo að dæmi séu nefnd. Evrópuráðið hefur staðið að gerð um það bil 200 alþjóðasamninga. Á meðal grundvallarsamninga Evrópuráðsins eru mannréttindasáttmáli Evrópu og félagsmálasáttmáli Evrópu. Samningar Evrópuráðsins hafa átt mikilvægan þátt í að stuðla að frekari samvinnu meðal aðildarríkjanna, efla samkennd þeirra og styrkja hugsjónir um mannréttindi og lýðræði.)
