by Herdís Þorgeirsdóttir | 3.10.2006 | ALMANAK
13. grein samnings SÞ um réttindi barnsins frá 1992 kveður m.a. á um rétt barna til að láta í ljós skoðanir sínar, að leita, taka við og miðla hvers kyns vitneskju og hugmyndum, án tillits til landamæra – og leyfilegar takmarkanir á þessum rétti sem mælt er fyrir um í lögum og er nauðsynlegt til þess að virða rétt annarra eða af öðrum lögmætum ástæðum. Ísland hefur verið aðili að þessum alþjóðasamningi síðan 1992.
AG
Sjá hér: http://www.brill.com/commentary-united-nations-convention-rights-child-article-13-right-freedom-expression
by Herdís Þorgeirsdóttir | 21.09.2006 | ALMANAK
Ný launakönnun VR sem framkvæmd var af IMG Gallup á tímabilinu frá 31. janúar til 10. apríl 2006 leiðir í ljós að launamunur kynjanna er óbreyttur. Karlar eru með 22 % hærri heildarlaun en konur. Þegar búið er að taka tillit til ýmissa áhrifaþátta á laun, s.s. menntunar, starfsstéttar, starfsaldurs, lífaldurs og vinnutíma er munurinn 15%. Kynbundinn launamunur skv könnuninni minnkar eftir því sem menntun eykst. VR leitaði m.a. álits Herdísar Þorgeirsdóttur prófessors og Eddu Rósar Karlsdóttur hagfræðings vegna þessara niðurstaðna og birtir svör þeirra í VR blaðinu.
by Herdís Þorgeirsdóttir | 7.09.2006 | ALMANAK
Verðlaunaafhending fyrir Ársskýrslu ársins 2005 kl. 17 í Ásmundarsal. Stjórnvísi og Kauphöll Íslands standa að verðlaununum. Fjármálaráðherra Árni M. Mathiesen veitti verðlaunin. Herdís Þorgeirsdóttir prófessor stjórnaði atburðinum og tilkynnti að Glitnir hlyti verðlaunin í ár. Halldór J. Kristjánssonbankastjóri Landsbankans flutti erindi um það umrót sem verið hefur í íslensku efnahagslífi í tengslum við skýrslur erlendra greiningaraðila.
Kaupþing banki hlaut verðlaunin fyrir ársskýrsluna 2004 en þátttakendur eru öll fyrirtæki, sem skráð eru í Kauphöll Íslands hverju sinni. Viðmið við veitingu verðlauna eru vandaðar upplýsingar um félagið og rekstur þess, markmið og áherslur, samkeppnisaðila, stjórnarhætti, launakjör og fleira. Sjá grein eftirÞorkel Sigurlaugsson, einn þriggja dómnefndarmanna, um atburðinn í Viðskiptablaðinu 13. sept.
by Herdís Þorgeirsdóttir | 4.09.2006 | ALMANAK
Nýlega kom út á vegum Feneyjarnefndar Evrópuráðs, nýtt rit nr. 43 í ritröðinni Science and Technique of Democracy. Heiti ritsins er: “The Preconditions for democratic elections” og er kafli í bókinni eftir prófessor Herdísi Þorgeirsdóttur, ACCESS TO MEDIA AS A PRECONDITION FOR DEMOCRATIC ELECTIONS. Aðrir sem m.a. skrifa í bókina eru dr. jur. Hans-Heinrich Vogel prófessor við lagadeildina í Lundi, Didier Vinolas, Giovanna Maiola en Gianni Buquicchio framkvæmdastjóri Feneyjarnefndar Evrópuráðsins skrifar formála.