Hafa samband
Hlutverk stjórnlagadómstóla og réttarríkið

Hlutverk stjórnlagadómstóla og réttarríkið

by | 27.04.2017 | Almanak

Screen Shot 2017-05-01 at 21.03.51Opnaði ráðstefnu af hálfu Feneyjanefndar í Minsk í Hvíta Rússlandi sem haldin var í samvinnu við Stjórnlagadómstól Hvíta Rússlands með stuðningi Evrópuráðsins og Evrópusambandsins en umfjöllunarefnið var: Hlutverk stjórnlagadómstóla í að tryggja réttarríkið við löggjöf og lagaframkvæmd. Sjá opnunarræðu hér fyrir neðan. Helstu sjónvarpsstöðvar landsins tóku viðtöl og talaði ég m.a. um mikilvægi aðgreiningar ríkisvaldsins; að enginn einn aðili fengi það mikil völd að standa ofar lögum; að að spilling vegna tengsla fjársterkra aðila og pólítíkusa væri alþjóðlegt vandamál og ein helsta ógnin við réttarríkið, lýðræði og mannréttindi. Sjá hér.

https://www.venice.coe.int/webforms/documents/default.aspx?pdffile=CDL-JU(2017)013-e

Screen Shot 2017-05-03 at 10.03.00

 

 

Stöð 2 um Erdogan og framhaldið

Stöð 2 um Erdogan og framhaldið

by | 18.04.2017 | Almanak

Var í viðtali hjá Sindra Sindrasyni eftir kvöldfréttir á Stöð 2 ásamt Hjörleifi Sveinbjörnssyni sem búið hefur í Istanbúl undanfarin ár ásamt eiginkonu sinni Ingibjörgu Sólrúnu Gísladóttur fyrrv. utanríkisráðherra. Sindri spurði um manninn Erdogan, fylgið hans og beindi sérstaklega til mín spurningu um hvaða skilyrðum þyrfti að fullnægja þegar þjóðaratkvæðagreiðsla fer fram um grundvallarbreytingar á stjórnskipuninni. Einnig ræddum við ástandið undir neyðarlögum, fjármálaöflin sem Erdogan byggir vald sitt m.a. á, óttann og þöggunina í landinu og óvissuna sem nú blasir við.

http://www.visir.is/section/MEDIA99&fileid=SRC3C0CFD8C-86DE-44AD-954B-C607E2D5F8DA

Screen Shot 2017-04-19 at 18.45.18

Einræði fest í sessi í Tyrklandi

Einræði fest í sessi í Tyrklandi

by | 18.04.2017 | Almanak

Herdís á RÚV 17 apríl 2017Viðtal í kvöldfréttum RÚV í kjölfar þjóðaratkvæðagreiðslu um stjórnarskrárbreytingarnar í Tyrklandi.

http://www.ruv.is/frett/urkynjad-ferli-i-tyrklandi

Miklir ágallar voru á framkvæmd þjóðaratkvæðagreiðslunnar í Tyrklandi að mati alþjóðlegra eftirlitsnefndar. Stjórnarskrárbreytingarnar sem þjóðin samþykkti í gær stuðla að einræði og úrkynjuðu ferli segir dr. Herdís Þorgeirsdóttir, varaforseti Feneyjanefndarinnar.

Tyrkir samþykktu stjórnarskrárbreytingarnar með 51,4 prósentum atkvæða. Þær færa Erdogan, forseta landsins mjög aukin völd, um leið og embætti forsætisráðherra verður lagt niður.

„Þarna er verið að stuðla í raun og veru að persónubundnu stjórnarfari, einræði og það er úrkynjað ferli því að það er ekki tryggt með þessu forsetaræði, það er ekki sterkt dómsvald og það er í raun og veru ekki lengur þrígreining ríkisvaldsins vegna þess að forsetinn núna, hann hefur verið forseti frá því 2014, að hann er kominn með vald til þess að setja neyðarlög í landinu hvenær sem honum sýnist, án takmarkana og tilskipanir og forsetaúrskurði sem hafa jafnvel meira vægi en lög í framkvæmd,“

segir dr. Herdís Þorgeirsdóttir.

Kosningaeftirlitsmenn á vegum Öryggis- og samvinnustofnunar Evrópu og Evrópuráðsins sögðu í dag að lýðræðishalli hefði verið á framkvæmd kosninganna, þrátt fyrir að tæknileg framkvæmd þeirra hafi verið í lagi. Andstæðingar stjórnarskrárbreytinganna hefðu ekki setið við sama borð og stuðningsmenn Erdogans í kosningabaráttinni, og til að mynda fengið mun minni tíma til að kynna sjónarmið sín í fjölmiðlum. Óháð könnun sýnir að stuðningsmenn Erdogans fengu 10 sinnum meiri tíma á 17 sjónvarpsstöðvum til að kynna sjónarmið sín í kosningabaráttunni en andstæðingar hans.

Herdís segir að úrslitin séu mikil ógn við mannréttindi í landinu.

„Það er búið að festa einræði í sessi og það hefur stefnt í þetta lengi í Tyrklandi, þetta er grafalvarlegur hlutur sem er að eiga sér stað þarna, mjög alvarlegt.“

Erdogan ávarpaði stuðningsmenn sína í dag og minnti þá á forsetakosningarnar sem fram fara eftir tvö ár, en hluti stjórnarskrárbreytinganna sem kosið var um í gær, gera það að verkum að Erdogan getur nú setið á forsetastóli til 2029. Hann ítrekaði fyrir stuðningsmönnum sínum að hann vildi innleiða dauðarefsingu að nýju í Tyrklandi, en hún var afnumin þar með lögum árið 2002, og var talið að það myndi auka verulega möguleika þjóðarinnar á að fá aðild að Evrópusambandinu.

Sigmar Gabriel, utanríkisráðherra Þýskalands segir ljóst að innleiði Tyrkir dauðarefsingu að nýju sé úti um vonir þeirra um að verða meðlimir í Evrópusambandinu.

Álit Feneyjanefndar um áhrif neyðarlaga í Tyrklandi samþykkt

Álit Feneyjanefndar um áhrif neyðarlaga í Tyrklandi samþykkt

by | 10.03.2017 | Almanak

herdís aðalfundi feneyjanefndar mars 2017Talaði fyrir áliti Feneyjanefndar rétt í þessu um áhrif neyðarlaga á frelsi fjölmiðla í Tyrklandi. Ástandið er mjög alvarlegt, 190 sjónvarpstöðvum og fjölmiðlafyrirtækjum hefur verið lokað fyrirvaralaust á grundvelli neyðarlaganna sem sett voru í kjölfar misheppnaðs valdaráns í júlí 2016. Um 2500 blaðamenn hafa misst vinnuna; margir fangelsaðir ásakaðir um tengsl við hryðjuverkasamtök. Stór fjölmiðlafyrirtæki hafa verið keypt upp af fjársterkum aðilum með sterk tengsl við stjórnvöld. Nýsett neyðarlög aflétta hlutleysisreglunni af sjónvarpi svo unnt sé að stunda áróður í aðdraganda þjóðaratkvæðagreiðslu um breytingar á stjórnarskránni, hinn 16. apríl n.k. Segja má að lýðræðislegum stjórnarháttum hafi verið vikið til hliðar í aðdraganda kosninga sem geta gerbylt tyrknesku stjórnkerfi og afnumið lýðræði og réttarríki til frambúðar. Tyrknesk stjórnvöld voru viðstödd fundinn en álitið var samþykkt einróma.

Frétt stærsta dagblaðs Tyrklands um heimsókn Feneyjanefndar til Ankara fyrir mánuði:

http://www.hurriyetdailynews.com/venice-commission-on-duty-for-press-freedom-under-emergency-rule-in-turkey.aspx?pageID=517&nID=109413&NewsCatID=339

http://www.aktuelintermedya.com.tr/venedik-avrupa-hukuk-yoluyla-demokrasi-komisyonunun-yargitayi-ziyareti/

Fundir með tyrkneskum stjórnvöldum vegna neyðarlaga

Fundir með tyrkneskum stjórnvöldum vegna neyðarlaga

by | 6.02.2017 | Almanak

Fór á vegum Feneyjanefndar að beiðni Evrópuráðsþingsins til að fara yfir áhrif neyðarlagana, sem sett voru í Tyrklandi í kjölfar misheppnaðs valdaráns í júlí s.l. á fjölmiðla. Um 170 fjölmiðlum hefur verið lokað, þúsundir blaðamanna hafa misst starfið sitt og hátt á annað hundrað fangelsaðir, ákærðir á grundvelli hegningarlaga. Þingið hefur nú samþykkt að framlengja neyðarástandið í þrjá mánuði til viðbótar. Almennur ótti og þöggun ríkir í landinu.

Sjá frétt CNN um Feneyjanefnd í Ankara.

Sjá íslenska umfjöllun hér.

 

“Venice Commission, which is the constitutional consultative body of the Council of Europe, is visiting Turkey to investigate the current embattled state of media freedom under the ongoing state of emergency.

Venice Commission Deputy Chairman Herdis Kjerulf Thorgeirsdottir and the accompanying delegation visited the Turkish Parliament on Feb. 6 and was due to separately meet with representatives of the ruling Justice and Development Party (AKP), the main opposition Republican People’s Party (CHP), the Peoples’ Democratic Party (HDP) and the Nationalist Movement Party (MHP) late on Feb. 6.”

Á fundi með formanni AKP flokks Erdogans í tyrkneska þinginu mánudaginn 6. febrúar talaði hann um að Gülen-hreyfingin, sem teygir anga sína víða, væri ein mesta ógn sem Tyrkir stæðu frammi fyrir því markmið hreyfingarinnar væri að ná tökum á öllum stofnunum samfélags, lögreglu, fjölmiðlum o.s.frv. og eyðileggja ríkið innan frá. Blaðamenn eru dæmdir á grundvelli hryðjuverkalaga fyrir tengsl sín við meint hryðjuverkasamtök en ekki vegna skrifa sinna og frétta.

Á fundi með HDP flokknum, sem er annar stærsti stjórnarandstöðuflokkurinn og oft álitinn helsta stuðningsafl Kúra, voru stjórnvöld harðlega gagnrýnd fyrir framgöngu sína á grundvelli neyðarlaganna. Formaður flokksins er læknir að mennt og nýlega laus úr þriggja mánaða fangelsi.

formaður HDP flokksins í Ankara

Formaður HDP flokksins fyrir miðju. Hann var nýlega laus úr þriggja mánaða fangelsi.

herdís ankara með reginu

Á fundi með HDP flokkum í tyrkneska þinginu hinn 6. febrúar. Á myndinni eru auk Herdísar, Martin Kujer og Regina Kiener.

herdís með stærsta stjórnarandstöðuflokknum

Á fundi með stærsta stjórnarandstöðuflokknum í tyrkneska þinginu.

herdís akp ankara

Á fundi með formanni AKP flokki Erdogans í Ankara hinn 6. febrúar 2017.

http://t24.com.tr/…/venedik-komisyonu-hdp-grubunu-ziyaret-e…

http://www.cnnturk.com/…/turkiye/venedik-komisyonu-uyeleri-…

http://t24.com.tr/…/venedik-komisyonu-hdp-grubunu-ziyaret-e…

https://demokrasi2.com/…/venedik-komisyonu-hdpyi-ziyaret-e…/

http://www.hurriyetdailynews.com/venice-commission-on-duty-…

Desemberfundur Feneyjanefndar

Desemberfundur Feneyjanefndar

by | 10.12.2016 | Almanak

Á Feneyjafundinum 9.-10. desember samþykkti Feneyjanefndin m.a. álit um neyðarlögin í Tyrklandi, sjá hér; lög um stjórnlagadómstól Úkraínu, sjá hér. Roberto Caldas forseti milliríkjadómstóls mannréttinda Ameríkuríkja var einn þeirra sem ávarpaði fundinn. Vandi ýmissa stórra ríkja í Suður-Ameríku er gífurlegur og margvíslegur. Spilling setur mark sitt á stjórnmál í Brasilíu, þar sem Caldas var áður dómari við hæstarétt landsins. Dilma Rousseff fyrrum forseti var sótt til saka vegna spillingar af þinginu. Fjölmiðlar eru afar máttlausir og flestir í eigu fjársterkra aðila sem geta stjórnað umræðunni.

Screen Shot 2017-03-20 at 14.47.18

herdís desember 2016 feneyjar

+354 691 8534

herdis@herdis.is

Allur réttur áskilin © Herdís Kjerulf Þorgeirsdóttir 2025