Neyðarúrræði og réttarríkið

Neyðarúrræði og réttarríkið

Vegna Covid-19 faraldursins hafa ríkisstjórnir gripið til ýmissa neyðarúrræða til að hægja á útbreiðslu veirunnar. Feneyjanefndin (Nefnd Evrópuráðsins um lýðræði með lögum) hefur í fjölda tilvika gert úttektir á takmörkunum á heimildum ríkja til að grípa til slíkra neyðarráðstafana. Feneyjanefndin hefur ætíð undirstrikað mikilvægi þess að öryggi almennings sé eingöngu tryggt í lýðræðisríki þar sem reglur réttarríkis eru í heiðri hafðar. Sama hve alvarlegt ástandið er þá má aldrei fara út fyrir mörk réttarríkisins. Sjá nánar.

Ísland bjargar Hollywood

Ísland bjargar Hollywood

Los Angeles Times birtir frétt um það að Ísland og Suður-Kórea séu einu löndin í miðjum kórónavírus-faraldri sem geri kvikmyndatökufólki kleift að halda áfram taka upp kvikmyndir. Íslensk víðerni og minni hömlur en víðast annars staðar hafa opnað fyrir möguleikann að flytja Hollywood framleiðslu til Íslands. Nú 4. maí verður enn lyft takmörkunum á samkomubanni þannig að 50 manns geta komið og unnið saman. Sjá hér.

Schindler í samfélagslegu samhengi

Schindler í samfélagslegu samhengi

Óskarsverðlaunamynd Steven Spielberg (1994) um manninn sem bjargaði 1200 gyðingum frá gasofnum útrýmingarbúðanna er þekktasta kvikmynd sem gerð hefur verið um helförina. Myndin, Listi Schindlers (Schindler‘s List,) sem er þriggja tíma löng er tekin í svart/hvítu að frátaldri einni senu af lítilli telpu sem labbar á vit dauðans í rauðri kápu. Myndin, sem var aftur tekin til sýninga 2018 víðsvegar um veröldina á enn brýnt erindi sökum þess boðskapar sem í henni felst að mannúð trompi fordóma; að manneskjan sé stöðugt útsett fyrir ógnir, ofbeldi og hrylling.

Í kjölfar helfararinnar var evrópsk samvinna innsigluð með stofnun Evrópuráðsins í Strassborg reist á stoðum virðingar fyrir mannréttindum, lýðræði og réttarríki.

Mannréttindasáttmáli Evrópu, sem er samningur unninn að tilstuðlan Evrópuráðsins, er eitt áhrifaríkasta tæki í okkar heimshluta til að tryggja mannréttindi. Ísland gerðist aðildarríki að Evrópuráðinu í mars 1950 og undirritaði við það tækifæri Mannréttindasáttmála Evrópu. Aldrei aftur skyldu atburðir á borð við helförina eiga sér stað; aldrei aftur skildu spillt, forheimskuð og ill öfl ná yfirhöndinni með þeim afleiðingum sem birtust skýrast í útrýmingarbúðum nasista; mannfyrirlitningin alger, mannhelgin engin.

Oskar Schindler var rúmlega þrítugur bisnessmaður, félagi í nasistaflokknum, óprúttinn, ósvífinn og lét ekkert tækifæri ónotað með mútum til yfirmanna í SS til að komast yfir verksmiðjur og fá ódýrt vinnuafl úr hópi Gyðinga. Sögusviðið er á pólsku landssvæði þar sem stærstu útrýmingarbúðirnar voru, Auschwitz, Treblinka og fleiri. Sagan hefst í gettói í Kraká þar sem búið var að stúka Gyðingana af.

Á örskömmum tíma breytist hlutskipti venjulegra borgara frá því að sitja við kvöldverðaborð með fjölskyldunni í það að vera skotin á færi, send í vinnubúðir þar sem ekkert beið þeirra annað en hungur, vosbúð, sjúkdómar og ill meðferð.

Myndin lýsir því hvernig Oskar Schindler, sem leikinn er af Liam Neeson, vaknar til vitundar um hryllinginn sem er að eiga sér stað, þótt hann hafi upphaflega haft hag af því að bjarga Gyðingunum inn í verksmiðjurnar til sín. Hann er sýndur sem sjarmerandi en ófyrirleitinn náungi sem vingast við SS-foringjann Amon Göth sem einnig er sannsöguleg persóna og stjórnaði Kraká-Płaszów útrýmingarbúðunum.

Ralph Fiennes leikur Göth af slíkri snilld að áhorfanda stendur raunveruleg ógn af þessum sadista, sem myrðir konur, börn og gamalmenni án þess að depla auga. Schindler borgar honum fyrir að afhenda sér gyðinga til vinnu í verksmiðjunni. Hann nær sérstöku sambandi við ófreskjuna Göth sem er þó öðrum þræði flókinn karakter.

Við réttarhöldin yfir Adolf Eichman, háttsettum SS-foringja, sem dæmdur var til dauða 1962 fyrir að hafa staðið fyrir morðum og pyntingum á milljónum Gyðinga hélt hann því fram að hann hefði aðeins verið smáskrúfa í stóru tannhjóli. Heimspekingurinn Hannah Arendt sem sat réttarhöldin í Jerúsalem skrifaði bók um þau og það sem hún kallaði ,,hversdagsleika illskunnar“ þar sem Eichman hafði komið henni fyrir sjónir sem lítill kall og hversdagslegur. Hún velti fyrir sér hvort venjulegt fólk væri fært um svona illsku út af heimsku í orðsins eiginlegustu merkingu. Arendt var gagnrýnd fyrir afstöðu sína til Eichman og réttarhaldanna. Í grein í New York Times 1965 skrifar dómari við hæstarétt í Philadelphiu að þótt Eichman hafi að sönnu ekki kálað mörgum milljónum með eigin hendi megi ekki horfa fram hjá lagalegri og siðferðilegri ábyrgð þess sem skipuleggur þann hrylling að hrúga milljónum einstaklinga saman, eins og síld í tunnu, í þrælkunarbúðir í þeim tilgangi að útrýma hluta mannkyns með köldu blóði.

Senurnar í Schindler-myndinni vekja til lífs hryllinginn í útrýmingarbúðunum, örvæntingu mæðra vegna barna sinna, barna vegna aldraðra foreldra, miskunnarlaus morð á ungu fólki, viðbjóðslega fyrirlitningu á lífinu en líka vonina sem deyr síðust þrátt fyrir pyntingar, kulda, hungur og ótta. Í miðjum hörmungunum virðist manneskjan búa yfir þeim eiginleika að geta glaðst smástund þegar lífi er þyrmt eða pynting umflúin.

Söguhetjan Oskar Schindler flúði til Argentíu eftir stríð ásamt eiginkonu sinni, Emilíu en þau voru barnlaus. Enginn rekstur sem hann tók sér fyrir hendur eftir stríð gekk upp, kannski af því að hann gat ekki lengur treyst á velvild vina sinna í nasistaflokknum. Hann yfirgaf Emilíu og hélt til Þýskalands þar sem hann dó 1974 bitur og fátækur þrátt fyrir að hafa verið opinberlega heiðraður af Ísraelsríki þar sem hann hvílir beinin og af þýsku ríkisstjórninni.

Hlutur Emilíu eiginkonu Oskars er gerður lítill í myndinni og gagnrýndi hún það síðar meir. Hún dó einnig í fátækt nokkrum árum eftir að myndin var gerð, þótt Spielberg haldi því fram að hún hafi fengið góðar greiðslur. Schindler-Gyðingarnir hafa sagt frá því að Emilía hafi ekki verið til staðar eins og Oskar enda hjónaband þeirra óhamingjusamt og þau bjuggu ekki alltaf saman. Þegar hún hafi verið á staðnum hafi hins vegar munað um hana, gæsku hennar og hjálpsemi. Oskari lýsti Emilía sem ófyrirleitnum framhjáhaldara eins og kemur fram í myndinni og drykkfelldum. Hún segir hins vegar að hún hefði alltaf staðið með honum hefði hann þurft. Ef að líkum lætur má gera ráð fyrir að mynd framleidd, leikstýrt og handrit skrifað af körlum geri minna úr hlut kvenna. Hvorugt þeirra uppskar þó í samræmi við það sem þau hefðu talið sig eiga skilið í ljósi beiskjunnar sem þeim báðum er borin á brýn á meðan Spielberg og aðrir græddu milljónir á sögunni um líf þessa fólks og helförina.

Kannski er sagan á bak við söguna (myndina) sú að réttlæti er ekki þessa heims. Helförin segir þá sögu best. Mannúðarverk eiga ekki að vera unnin til að uppskera hrós og lófaklapp.

Þegar ég sá Schindler-myndina fyrst fannst mér hún að sönnu átakanleg en fjarri veruleikanum, hluti af fortíðinni. Þegar ég horfði á hana í þriðja sinn nýlega grét ég og sneri mér undan í sumum senunum. Það gerði ég líka fyrr í vikunni þegar í fréttatíma birtist mynd af allslausri sýrlenski flóttakonu í búðum í Grikklandi með þvottalögsdreitil í baráttu við Covid-veiruna. Þegar við tölum um við séum öll á sama báti þýðir það að hvert okkar fyrir sig er ábyrgt – við þurfum ekki að vera smáskrúfur í stóru tannhjóli. Uppspretta hins góða er alltaf hjá einstaklingnum.

Eins og segir í Talmúd, helgiriti gyðingdómsins (áletrun sem var greypt inn í hring sem Gyðingarnir sem Schindler bjargaði gáfu honum):

Sá er eyðileggur eitt líf tortímir veröldinni og sá er bjargar einu lífi bjargar heiminum.

“Whoever destroys a single life is considered by Scripture to have destroyed the whole world, and whoever saves a single life is considered by Scripture to have saved the whole world”.

Itzhak Perlman leikur á fiðlu tónlist John Willliams í Schindler’s list: https://www.youtube.com/watch…

Evrópuráð varar við hliðarverkunum rakningar

Evrópuráð varar við hliðarverkunum rakningar

Evrópuráðið hefur varað við hliðarverkun af rakningar-öppunum svokölluðu fyrir vernd persónuupplýsinga. Rakningar-öppin sem hafa reynst vel á Íslandi við rakningu á smitum á Covid  19 eru talin hafa þá hættu í för með sér að ekki sé komið í veg fyrir misnotkun. Meir en þriðjungur íslensku þjóðarinnar hefur sótt smitrakningarappið í símann sinn.  Sjá hér

CV / Ferilskrá

CV / Ferilskrá

Dr. Juris Herdís Þorgeirsdóttir er lögmaður í Reykjavík. Hún hefur víðtæka reynslu úr akademíu og atvinnulífi, starfar bæði hér og á alþjóðavettvangi. Hún var skipuð fyrsti prófessorinn við lagadeild háskólans á Bifröst 2004 og hefur einnig kennt við háskóla erlendis. Herdís lauk doktorsprófi í lögum með dr. juris gráðu (frá lagadeild Lundarháskóla 2003). Sérsvið hennar eru mannréttindi og stjórnskipun. Sem lögmaður sinnir hún allri almennri lögmannsþjónustu; mannréttindum, fjölmiðlarétti, sifja- og fjölskyldurétti, vinnurétti  og sáttamiðlun.

Herdís er höfundur bóka og greina, sem hafa birst alþjóðlega. Fræðilegt framlag hennar á vettvangi tjáningarfrelsis og fjölmiðla er alþjóðlega viðurkennt.  Hún hefur víðtæka reynslu af alþjóðlegu samstarfi og verið kjörin til æðstu trúnaðarstarfa á alþjóðavettvangi. Herdís er fyrsti varaforseti Feneyjanefndar Evrópuráðsins (kjörin í árslok 2017) en var áður varaforseti í tvö kjörtímabil (2013-2105 og endurkjörin 2015-2017). Hún  var formaður undirnefndar Feneyjanefndarinnar um mannréttindi frá 2011-2013; á sæti í vísindaráði Feneyjanefndar og var jafnframt skipuð jafnréttisfulltrúi Feneyjanefndar í október 2014.

Herdís var kjörin forseti  Evrópusamtaka kvenlögfræðinga (European Women Lawyers’ Association /EWLA) 2009 og endurkjörin 2011. Herdís tók sæti í stjórn Evrópsku lagaakademíunnar (European Acdemy of Law /ERA) í Trier 2012, sem er miðstöð Evrópuréttar og stendur fyrir námskeiðum fyrir lögfræðinga og dómara. Hún hefur starfað í teymi evrópskra lögfræðinga á grundvelli evrópsks vinnuréttar og jafnréttis frá 2003. Hún hefur tekið mikinn þátt í öflugu mannréttindastarfi Evrópuráðsins um árabil, kennt við erlenda háskóla, haldið fyrirlestra víða um heim. Þess utan hefur Herdís sem fyrsti varaforseti nefndarinnar komið fram fyrir hönd nefndarinnar við ýmis tilefni og átt í samskiptum við stjórnvöld í ríkjum Evrópuráðsins.

Í stöðu prófessors við lagadeild háskólans á Bifröst var hún jafnframt hugmyndasmiður, stofnandi og skipuleggjandi hinna árlegu tengslanets-ráðstefna, sem voru fjölsóttustu ráðstefnur sem haldnar voru hér á landi um árabil með víðtækri þátttöku kvenna af ólíkum sviðum samfélagsins. Hún var tilnefnd til jafnréttisverðlauna í tvígang fyrir framlag sitt til jafnréttisbaráttu en í kjölfar ályktana Tengslanetsráðstefna voru gerðar lagabreytingar, m.a. um launaleynd og kynjahlutfall í stjórnum hlutafélaga.

Herdís rak eigið útgáfufyrirtæki í tæpan áratug og var frumkvöðull á sviði tímaritaútgáfu. Hún var fyrsti ritstjóri tímaritsins Mannlífs frá 1984 til 1986 en þá stofnaði hún eigið útgáfufyrirtæki Ófeig hf., sem gaf út tímaritið Heimsmynd til ársins 1994. Hún ritstýrði Heimsmynd samfleytt í 8 ár. Áður hafði hún starfað sem blaðamaður á Morgunblaðinu frá 1976-1978 og meðfram háskólanámi til 1980.

Herdís var formaður dómnefndar um íslensku bókmenntaverðlaunin 2005 og 2006, skipuð af Forseta Íslands.

Herdís er  með doktorspróf frá lagadeild háskólans í Lundi (Dr. Jur. sem er gráða fyrir ofan ph.d) á sviði mannréttinda og stjórnskipunar. Hún öðlaðist hdl. réttindi 2011. Hún er með M.A.L.D gráðu (tveggja ára mastersnám) í þjóðarétti og alþjóðastjórnmálum frá Fletcher School of Law and Diplomacy í Boston, auk þess sem hún er með próf í lögfræði og stjórnmálafræði. Hún var gestafræðimaður við Oxford-háskóla 1999. Hún lagði stund á nám í blaðamennsku á Fleet Street í London í einn vetur og var í námi í sálfræði við háskólann í Aix-en-Provence  veturinn eftir stúdentspróf. Hún öðlaðist réttindi til að starfa sem héraðsdómslögmaður 2011 og rekur eigin lögmannsstofu í Reykjavík.

Ítarlegri ferilskrá

Dr. Herdís Þorgeirsdóttir hefur margþætta reynslu bæði hér heima og af störfum sínum á alþjóðavettvangi. Herdís var skipuð prófessor við lagadeild Háskólans á Bifrost 2004.

PRÓFESSOR

Dr. Herdís Þorgeirsdóttir var skipuð prófessor við lagadeild Háskólans á Bifröst 2004 http://www.mbl.is/greinasafn/grein/832180/

Hefur kennt við erlenda háskóla, þ.á m. við lagadeild ríkisháskólans í Tbilisi í Georgíu.

Skipuð í stjórn ERA – European Academy of Law haustið 2012.

LÖGMAÐUR

Hún starfar sem lögmaður í Reykjavík.

STÖRF Á ALÞJÓÐAVETTVANGI

Hún gegnir umfangsmiklum störfum fyrir Feneyjarnefnd Evrópuráðsins á sviði mannréttinda http://www.venice.coe.int/site/dynamics/N_Members_ef.asp?L=E&CID=60.

Herdís var kjörin formaður undirnefndar Feneyjarnefndar um mannréttindi (Sub-Commisson on Fundamental Rights) í desember 2011 http://www.venice.coe.int/DOCS/2011/CDL-PV(2011)004SYN-E.ASP

Hún var kjörin í vísindaráð (Scientific Council) Feneyjarnefndar í mars 2013.

Kjör í stjórn evrópsku lagaakademíunnar (Academy of European Law) haustið 2012.

Hún hefur frá 2003 verið í teymi lögfræðinga sem starfa á sviði vinnuréttar- og jafnréttismála fyrir framkvæmdastjórn Evrópusambandsins http://ec.europa.eu/justice/gender-equality/tools/legal-experts/index_en.htm

FORSETI EVRÓPUSAMTAKA KVENLÖGFRÆÐINGA

Herdís var kjörin forseti Evrópusamtaka kvenlögfræðinga 2009 (European Women Lawyers’ Association www.ewla.org) og endurkjörin 2011. Hún er lögfræðingur og með réttindi til að starfa sem héraðsdómslögmaður. Hún er einnig með BA og meistaragráðu í stjórnmálafræði.

DOKTOR Í LÖGUM

Hún er með doktorspróf í lögum (Dr. Jur) frá lagadeild háskólans í Lundi á sviði mannréttinda og stjórnskipunar
http://www.mbl.is/greinasafn/grein/722063/
http://www.jur.lu.se/Quickplace/home/Main.nsf/h_Toc/f17ab01a29d3b896c12574640058b4df/?OpenDocument http://www.lu.se/lund-university-partner-day/faculties/faculty-of-law

MALD

Auk þess hefur hún mastersgráðu (MALD) í alþjóðarétti og stjórnmálum frá Fletcher School of Law and Diplomacy í Boston http://fletcher.tufts.edu/MALD.

Hún var gestafræðimaður við Oxford háskóla 1999 http://pcmlp.socleg.ox.ac.uk/

Hún lauk prófum í lögfræði við Háskólann í Reykjavík og stjórnmálafræði við Háskóla Íslands. Hún var í námi í blaðamennsku við College of Journalism í London árið 1976. Áður var hún í einn vetur við háskólanám í Frakklandi.

FRÆÐIMAÐUR OG RITHÖFUNDUR

Herdís er þekktur fræðimaður á sviði tjáningarfrelsis og er höfundur bóka og fræðigreina sem hafa birst alþjóðlega http://www.brill.nl/journalism-worthy-name / http://www.amazon.com/Journalism-Worthy-Name-Affirmative-Convention/dp/9004145281
http://www.ashgate.com/isbn/9780754627821
http://catalogue.nla.gov.au/Record/3916460.  

Rannsóknir hennar hafa í áranna rás beinst að tengslum fjármálavalds, pólitísks valds og fjölmiðlavalds, spillingu og sjálfs-ritskoðun.

Hún var formaður lokadómnefndar íslensku bókmenntaverðlaunanna árin 2005 og 2006, skipuð af Forseta Íslands http://rsi.is/rsi/leitarnidurstodur/nanar/Default.asp?cat_id=8778&ew_0_a_id=170160

ÚTGEFANDI OG RITSTJÓRI

Hún var útgefandi og ritstjóri í áratug og frumkvöðull á sviði tímaritaútgáfu. Hún var fyrsti ritstjóri Mannlífs og stofnandi og útgefandi tímaritsins Heimsmyndar frá 1986-1994

http://mbl.is/greinasafn/grein/39904/
http://mbl.is/greinasafn/grein/104576/

Hún var blaðamaður um árabil. Hóf ung störf á Morgunblaðinu og var í blaðamennsku meðfram háskólanámi. Hún hefur ritað greinar í blöð ug tímarit um stjórnmál og mannréttindi. Hún var í námi í blaðamennsku við College of Journalism í London 1975. Áður var hún einn vetur við háskólanám í Frakklandi.

FRUMKVÖÐULL AÐ TENGSLANETI – VÖLD TIL KVENNA

Hún átti frumkvæði að og skipulagði tengslanets-ráðstefnurnar til að styrkja samstöðu kvenna úr öllum starfsgreinum og vitund þeirra um rétt sinn og mikilvægi í samfélaginu. Tengslanet-Völd til kvenna-ráðstefnurnar voru þær fjölsóttustu sem haldnar voru í íslensku háskóla- og viðskiptalífi um árabil

http://www.mbl.is/greinasafn/grein/1077630 /

http://www.fka.is/?i=2&f=2&o=408 /

 http://www.kvennaslodir.is/frettatengt/nr/268/).

Hún var í tvígang tilnefnd til jafnréttisverðlauna vegna ten gslanets-ráðstefnanna.

ÝMISLEGT ÚR FJÖLMIÐLUM

Um hrunið:

http://www.mbl.is/greinasafn/grein/1265382/

http://silfuregils.eyjan.is/2009/01/25/hrokafullt-upphaf-hrunsins-eda-aldrei-andlega-virk-thjod/

Um icesave í kjölfar fyrsta samnings vor 2009:

http://www.visir.is/ogn-vid-oryggi-og-sjalfstaedi-thjodar—og-framtid-evropsks-samstarfs/article/2009228195908

Um samþjöppun auðs og valds:

http://www.visir.is/vill-raeda-um-ad-setja-thak-a-eignarettinn/article/2011111029820

Um fátækt og kjör barna:

http://www.mbl.is/frettir/innlent/2010/05/29/vernda_tharf_born_gegn_fataekt/

http://mbl.is/greinasafn/grein/1119998/

Um jafnréttismál:

http://www.pressan.is/Frettir/LesaFrett/professor-fyrirtaeki-stofnanir-og-stjornvold-taka-login-ekki-alvarlega-og-thverbrjota-reglur

http://www.pressan.is/VeroldMortuMariu/Lesagrein/dr.-herdis-thorgeirsdottir-thad-tharf-hugrekki-til-ad-komast-i-gegnum-motlaeti

http://www.mbl.is/greinasafn/grein/1077630

http://mbl.is/greinasafn/grein/1008772/

http://www.vb.is/frett/17352/

 http://www.vr.is/index.aspx?groupid=476515&tabid=1889&NewsItemID=9271&ModulesTabsId=4466

http://www.bifrost.is/Files/Skra_0016957.pdf

NÝLEG ÁLIT NEFNDAR EVRÓPURÁÐS UM LÝÐRÆÐI MEÐ LÖGUM

http://www.venice.coe.int/docs/2011/CDL-AD(2011)036-e.pdf

http://www.venice.coe.int/docs/2011/CDL-AD(2011)026-e.pdf

http://www.venice.coe.int/docs/2010/CDL-AD(2010)053rev-e.pdf

http://www.venice.coe.int/docs/2010/CDL(2010)053-e.asp

http://www.venice.coe.int/docs/2011/CDL-JU(2011)017-e.pdf

http://www.venice.coe.int/docs/2008/CDL(2008)039-e.asp

http://charter97.org/en/news/2011/10/17/43699/

http://eurasialift.wordpress.com/2011/01/12/

http://azerireport.com/index.php?option=com_content&task=view&id=2999


 

Curriculum vitae

Herdis Thorgeirsdottir  is an Icelandic professor, lawyer and political scientist who has specialised in human rights. She announced her candidacy for the office of President of Iceland on March 30, 2012. She is the author of books in the field of human rights and constitutional law, which have been published internationally, along with articles in magazines and chapters in books. Her research has in particular been directed at civil and political rights. She has done extensive research on  freedom of the press and the protection of the rights of journalists from self-censorship due to the integration of financial and political power. In addition, she has performed research in other areas of human rights and business, labour law and gender equality.

Career

Currently, Herdis Thorgeirsdottir is an attorney at law   in Reykjavik. She was appointed a Professor of Law at Bifrost University in 2004; teaching courses in constitutional law and comparative constitutional law as well as courses in business and human rights.  Herdis Thorgeirsdottir is on the Board of Trustees of ERA (European Academy of Law). She is member of the European Commission for Democracy through Law/Venice Commission, where she is the chair of the sub-committee on human rights. In 2009, she was elected President of the European Women Lawyer’s Association (EWLA). She was re-elected for a second term in 2011. She is also part of the Network of Legal Experts (since 2003) that ensures that the European Commission is kept informed in relation to important legal developments in the field of gender equality at national level and the impact of these developments. She is the founder of the “Network – empowering women” large conferences in Iceland since 2004 attracting participants from every walk of life. In the 1980s and early 1990s, she was the founder, publisher and editor of Heimsmynd magazine in Iceland. Prior to that she was the founding editor of Mannlif magazine. She began her career as a journalist at Morgunbladid, a major daily newspaper in Iceland.

Education

Herdis Thorgeirsdottir holds a Doctor Juris degree (the highest academic law degree) in Law from the Faculty of Law at Lund University in Lund Sweden. She also has degree in Law from the University of Reykjavik and is a member of the bar. She was a guest scholar at Oxford University in 1999. Earlier she earned the M.A.L.D. degree from the Fletcher School of Law and Diplomacy at Tufts University in Boston, Massachusetts. She received the B.A. degree in Political Science from the University of Iceland. She also studied journalism on Fleet Street in London, the United Kingdom and prior to that she had one year of psychology at the University of Aix-en-Provence.