by Herdís Þorgeirsdóttir | 15.03.2026 | Fréttir
María Elísabet Bragadóttir rithöfundur gerir það ekki endasleppt. Nýverið fékk hún sína fyrstu smásögu birta í einu svalasta menningarriti sem gefið er út í New York: The Baffler. Sagan um Dverginn með eyrað, þýdd af Larissu Kyser, birtist í mars í Baffler sem er leiðandi vettvangur í Bandaríkjunum fyrir hvassa og óhefðbundna stjórnmálagagnrýni, menningarumfjöllun, smásögur, ljóð og myndlist.
er leiðandi vettvangur í Bandaríkjunum fyrir hvassa og óhefðbundna vinstrisinnaða stjórnmálagagnrýni, menningargreiningu, smásögur, ljóð og myndlist. Tímaritið var stofnað árið 1988 af Thomas Frank og Keith White sem „tímaritið sem sljóvgar beittasta oddinn“, og er nú ritstýrt af Matthew Shen Goodman með höfuðstöðvar í New York. Það gefur út fimm prentútgáfur á ári og birtir efni á netinu nánast daglega á virkum dögum.
by Herdís Þorgeirsdóttir | 13.03.2026 | Almanak
Þann 13. mars 2026 stóð Feneyjanefnd fyrir málþingi til að minnast þess að Japan hefur verið áheyrnarfulltrúi hjá Evrópouráðinu í þrjá áratugi. Viðburðurinn fór fram í húsakynnum Evrópuráðsins í Strasbourg og þar flutti aðalræðu prófessor Masahiro Sogabe, varafulltrúi Japans í Feneyjanefndinni og prófessor við lagadeild Kyoto háskóla, um alþjóðleg mannréttindalög í Japan.
Í framhaldinu beindust umræður að gervigreind og lýðræði, gervigreind og mannréttindum, og gervigreind og réttarríkinu. Herdís Kjerulf Þorgeirsdóttir var með framsögu um gerfigreind og lýðræði. Sjá nánar hér.
by Herdís Þorgeirsdóttir | 7.03.2026 | Almanak
Jafnréttisnefnd Evrópuráðsþingsins fór þess á leit við Feneyjanefnd í loks síðasta árs að unnin yrði skýrsla um dómaframkvæmd alþjóðlegra dómstóla og æðstu dómstóla innan ríkja um mörk grundvallar mannréttinda og ofbeldisfulls kláms. Skýrsluna unnu Herdís Kjerulf Þorgeirdóttir, Tim Otty frá Bretlandi, Mits Martin frá Lettlandi og Monicu Arali Soto frá Mexíkó. Hún var lögð fyrir aðalfund Feneyjanefndar 6. mars 2026 til samþykktar. Sjá skýrslu hér.
by Herdís Þorgeirsdóttir | 1.02.2026 | Fréttir
Nýverið birtist ein fyrsta vísindagrein Harðar Tryggva Bragasonar í tímaritinu Clinical Infectious Diseases.,, Það er mikill heiður að fá birtingu í þessu virta tímariti en að baki liggur nokkurra ára rannsóknarvinna sem hófst þegar ég var læknanemi. Rannsóknin var unnin með frábærum samstarfsaðilum við Háskóla Íslands og Landspítala, undir handleiðslu Magnúsar Gottfreðssonar.” Sjá hér: https://hi.is/frettir/danartidni_lifshaettulegra_sykinga_ekkert_breyst_yfir_aratugina?fbclid=IwY2xjawPsBQJleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeV7onC16e9Gf4mcg4IyRUS9dJ8dtkjIHJ6-1qgqS-hRn5lM1oomU14udRg-4_aem_FlGbLc9_YODEoUYM1BEbrA
by Herdís Þorgeirsdóttir | 8.01.2026 | Fréttir
Með David Kaye bandarískum félaga mínum í Feneyjanefnd fyrir nokkrum vikum. Hann er sérfræðingur á sviði tjáningarfrelsis og fjölmiðlaréttar eins og ég. Við höfum unnið saman að nokkrum álitum fyrir nefndina. Mikil eftirsjá af honum nú er bandarísk stjórnvöld hafa ákveðið að hætta þátttöku Bandaríkjanna í Feneyjanefnd Evrópuráðsins um lýðræði með lögum. Það var frábært að vinna með David og mikill akkur fyrir vernd tjáningar- og skoðanafrelsis í hart keyrðum heimi.
