by Herdís Þorgeirsdóttir | 2.01.2007 | Almanak
Í nýjasta tölublaði Uppeldis (6. tbl. 19. árg.) er grein eftir Herdísi Þorgeirsdóttur prófessor um réttindi barna. Heiti greinarinnar er: Jöfn tækifæri allra barna árið 2007 í ljósi þess þema sem Framkvæmdastjórn Evrópusambandsins hefur helgað þessu ári, þ.e. jöfnum tækifærum allra. Tilgangur þess að er að fólk sé meðvitaðara um réttindi sín. Fyrir nokkrum mánuðum kom út rit eftir Herdísi Þorgeirsdóttur á sviði barnaréttar, sem er hluti af ritröð þar sem fræðimenn fjalla um ákvæði samningsins um réttindi barna. Útgefandi er Brill sem er eitt stærsta og virtasta forlag á vettvangi fræðirita í heiminum.
by Herdís Þorgeirsdóttir | 28.12.2006 | Almanak
![Herdis001[1] Kristinn Ingvarsson](https://herdis.is/wp-content/uploads/2013/12/Herdis0011-Kristinn-Ingvarsson-200x300.jpg)
Í nýjasta tölublaði Frjálsrar Verslunar er ítarlegt viðtal við mann ársins, Róbert Wessmann, forstjóra Actavis Group. Einnig er rætt við landsþekkta einstaklinga um hvað þeim fannst viðburðaríkast á árinu 2006; Guðbjörgu Glóð Logadóttur, framkvæmdastjóra Fylgifiska, Ómar Ragnarsson fréttamann, Árna Pétur Jónsson, forstjóra Vodafone, Aldísi Hafsteinsdóttur, bæjarstjóra Hveragerðisbæjar, Herdísi Þorgeirsdóttur, prófessor við lagadeildina á Bifröst og Hannes Smárason, forstjóra FL Group auk fjölda annarra eins og segir í kynningu.
by Herdís Þorgeirsdóttir | 16.12.2006 | Almanak
Morgunblaðið beinir sjónum sínum að fyrirtækjum og barnafjölskyldum í sjöttu greininni í greinaflokknum: Er Ísland barnvænt samfélag, sem birtist í blaðinu á morgun sunnudag skv frétt á Mbl.is í dag. Í greininni á morgun ræðir Morgunblaðið við þrjú fyrirtæki sem hafa tekið upp fjölskylduvæna starfsmannastefnu, Glitni, Landsvirkjun og Toyota Reykjanesbæ auk Vinnueftirlitsins. Þá eru viðtöl við einstæðar mæður og foreldra. Loks er rætt við dr. Herdísi Þorgeirsdóttur prófessor í stjórnskipun við lagadeild Háskólans á Bifröst, sem nálgast viðfangsefnið frá sjónarhóli laganna. Sjá Mbl.is viðtal Helgu Kristínar Einarsdóttur blaðamanns við Herdísi.
by Herdís Þorgeirsdóttir | 16.12.2006 | Almanak
Herdís Þorgeirsdóttir hefur verið varaforseti Evrópusamtaka kvenlögfræðinga frá 2005. Samtökin héldu árlega ráðstefnu í Búdapest í maí s.l. en næsta ráðstefna verður í Zürich í Sviss vorið 2007. Sjá nánari upplýsingar á heimasíðu EWLA (WWW.EWLA.ORG)
by Herdís Þorgeirsdóttir | 25.11.2006 | Almanak
Haustfundur lögfræðingateymis, sem vinnur að þróun jafnréttislöggjafar fyrir Framkvæmdastjórn ESB. Á dagskrá var m.a. nýleg þróun á vettvangi jafnréttismála, bæði í löggjöf og dómaframkvæmd, 2007 Evrópuár jafnra tækifæra fyrir alla, nýleg skýrsla sérfræðingahópsins um framkvæmd tilskipunar 86/613 í aðildarríkjum og ríkjum bundnum af EES samningnum, samræming vinnu, einka- og fjölskyldulífs, mál á sviði jafnréttismála, sem bíða úrlausnar hjá Evrópudómstólnum og fleira. Herdís Þorgeirsdóttur hefur starfað á þessum vettvangi síðan 2003.
by Herdís Þorgeirsdóttir | 22.11.2006 | Almanak
Í Viðskiptablaðinu 22. nóvember er leitað álits Dr. Herdísar Þorgeirsdóttur prófessors a.v. og Ara Edwald forstjóra 365 hf., h.v. á eftirfarandi spurningu sem birtist á bls. 12 í dálkinum Álit: Á að takmarka auglýsingatíma í RÚV? Svar Herdísar hefur verið klippt til að rúmast í dálkinum en er hér í upprunalegri mynd.
