by Herdís Þorgeirsdóttir | 16.01.2014 | Fréttir
Fyrstu verðlaun Evrópuráðsins (Council of Europe) kennd við Raoul Wallenberg verða veitt í Strassborg föstudaginn, 17. janúar. Verðlaunahafinn er Elmas Arus, rúmensk kvikmyndagerðarkona. Hlýtur hún verðlaunin í viðurkenningarskyni fyrir að hafa vakið athygli að aðstæðum Roma-fólks í Tyrklandi og víðar. Á árunum 2001 til 2010 hefur hún unnið ásamt sjálfboðaliðum að þessu verkefni og haft mikil áhrif á stefnumótun stjórnvalda í Tyrklandi til að rétta hlut Roma-fólksins.
by Herdís Þorgeirsdóttir | 30.12.2013 | Fréttir
Nefnd fimm dómara yfirdeildar Mannréttindadómstóls Evrópu (MDE) ákvað að vísa dómi til yfirdeildar dómstólsins en dómur hennar skal vera endanlegur. Þetta var eina málið sem nefndin féllst á að vísa til yfirdeildarinnar af tuttugu, á fundi sínum 9. desember s.l.
Málið Morice gegn Frakklandi snýst um sakfellingu lögmannsins, Oliver Morice, sem ákærður var fyrir ærumeiðingar vegna ummæla sinna í grein í blaðinu Le Monde í garð dómara sem voru að rannsaka lát dómarans, Bernhard Borrel. Lík Borrel fannst í nálægð við borgina Djibouti árið 1995 og var það að hluta til brunnið. Lögreglurannsókn leiddi til þess að litið var á dauða dómarans sem sjálfsmorð. Hann hefði sjálfur borið eld að líkama sínum. Ekkja hans, Elisabet Borrel, vefengdi niðurstöðuna og taldi að hann hefði verið myrtur. Málið var opnað aftur og dómarar hófu að rannsaka málið á nýjan leik. Lögmaður ekkjunnar vefengdi hlutleysi rannsóknardómaranna í blaðagreininni í Le Monde eftir að áfrýjunardómstóll í París hafði tekið málið úr höndum þeirra, sem höfðu verið skipaðir til að rannsaka málið. Dómararnir kvörtuðu undan meiðyrðum og í kjölfarið var gefin út ákæra á hendur lögmanninum og hann síðan fundinn sekur um ærumeiðingar.
Lögmaðurinn taldi að brotið hefði verið á rétti hans til réttlátrar málsmeðferðar við meðferð málsins fyrir dómi í Frakklandi, þar sem einn dómaranna hefði þegar lýst yfir stuðningi við dómarann, sem lögmaðurinn gagnrýndi. Hann taldi jafnframt að tjáningarfrelsi sitt hefði verið skert með ólögmætum hætti. Deild Mannréttindadómstóls Evrópu komst einróma að þeirri niðurstöðu í júlí 2013 að réttur lögmannsins til réttlátrar málsmeðferðar hefði verið brotinn en frönsk stjórnvöld hefðu hins vegar ekki brotið á rétti hans til tjáningar. Ummæli lögmannsins í garð dómaranna í greininni í Le Monde hefðu verið móðgandi og til þess fallin að draga úr tiltrú almennings á dómskerfinu. Frönsk stjórnvöld hefðu því ekki farið á skjön við 10. grein Mannréttindasáttmála Evrópu með því að sakfella lögmanninn fyrir ærumeiðingar.
by Herdís Þorgeirsdóttir | 19.12.2013 | Fréttir
Fulltrúum 47 aðildarríkja Evrópuráðs hefur verið falið að kanna fullnustu dóma Mannréttindadómstóls Evrópu 3-4 desember 2013, samkvæmt nýjum fréttum frá Strassborg.
Aðildarríki Evróuráðs hafa skuldbundið sig til að hlíta endanlegum dómi Mannréttindadómstólsins í hverju því máli sem þau eru aðilar að. Endanlegur dómur dómstólsins er fenginn ráðherranefndinni sem hefur umsjón með fullnustu hans. Telji ráðherranefndin að aðildarríki neiti að hlíta endanlegum dómi í máli sem það á aðild að getur hún, eftir að hafa afhenti viðkomandi ríki formlega tilkynningu þar um og með ákvörðun sem er samþykkt með með tveimur þriðju hlutum atkvæða þeirra fulltrúa sem eiga rétt til setu í nefndinni, beint þeirri spurningu til dómstólsins hvort samningsaðilinn hafi brotið gegn skyldum sínum skv. 1. mgr. Mannréttindasáttmála Evrópu sem kveður á um að samningsríki verði að tryggja öllum innan sinnar lögsögu þau réttindi sem eru í sáttmálanum.
Þau mál sem eru til skoðunar núna varða Albaníu, Armeníu, Azerbaijan, Belgíu, Bosníu og Hersegóvínu, Búlgaríu, Tékkland, Grikkland, Moldóvu, Noreg, Pólland, Rúmeníu, Rússland, Serbíu, Slóveníu, Spán, Tyrkland, Úkraínu og Bretland. Varðandi Bretland er til dæmis til skoðunar fullnusta dóms í máli Hirst nr. 2 gegn Bretlandi í máli þar sem dómstóllinn kvað fortakslaust bann við því að fangar fái að nýta kosningarétt sinn fara í bága við Mannréttindaáttmála Evrópu.
by Herdís Þorgeirsdóttir | 18.12.2013 | Fréttir
Mannréttindadómstóll Evrópu (MDE) komst að þeirri niðurstöðu í máli Perincek gegn Sviss hinn 17. desember s.l. að svissnesk stjórnvöld hefðu brotið á tjáningarfrelsi manns sem hafði afneitað þjóðarmorðinu á Armenum 1915 á opinberum vettvangi (dómur deildar, sem er ekki endanlegur). Maðurinn hafði verið ákærður fyrir brot á svissneskum hegningarlögum með ummælum sínum. Taldi dómstóllinn að maðurinn hefði ekki gerst brotlegur á grundvelli sáttmálans með því að kalla söguskýringuna um þjóðarmorðið “alþjóðlega lygi”. Hann hefði tekið þátt í mikilvægri pólitískri umræðu og svigrúm til að hefta tjáningarfrelsi hans þar af leiðandi takmarkað. Ekki væri unnt að nota sömu skilgreiningu í tilfelli Armeníu 1915 og varðandi afneitun á helförinni þar sem tilvist gasklefa væri t.d. sönnuð.
by Herdís Þorgeirsdóttir | 30.03.2012 | Fréttir
Með stjórnarkonum í Evrópusamtökum kvenlögfræðinga í Brussel 2012.
Pabbi sjötugur og mamma í stuði. Þau voru löngu skilin þarna en létu það ekki stoppa sig í að vera áfram “fjölskylda”. Á myndinni eru systkini mín og Elísabet, dóttir Siggu systur.
Með laganemum við háskólann í Mexíkó þar sem ég var með fyrirlestur á ráðstefnu í mars 2016.
Valparaíso, Chile í desember 2015.
Með samstarfskonum úr forsetaframboðinu 2012. Frá vinstri Marta B. Helgadóttir, Herdís, Anna Laufey Sigurðardóttir, Dögg Pálsdóttir og Guðný Oddsdóttir.
Á fundi í Tajkistan, haustið 2015. Forseti landsins, Emomali Rahmon fyrir miðju á mynd, var með framsögu. Hann hefur verið við völd frá því 1994, þ. á m. á tímum borgarastyrjaldar þar sem 100 þúsund manns féllu. Hann kleif metorðastigann í gegnum gamla sovéska kerfið og kommúnistaflokkinn. Gífurlega valdamikill.
Með systkinum mínum og pabba í hádegisverði á Jómfrúnni rétt áður en hann dó, haustið 2013.
Með mömmu fyrstu jólin mín.
Vinna, kaffi, ferðalög.
Þarna er ég níu til tíu ára. Myndin er tekin á Laufásvegi hjá ömmu og afa Evu frænku minnar og jafnöldru.
Forseti Evrópusamtaka kvenlögfræðinga 2009-2011 og endurkjörin 2011 til 2013.
Fannst svo smart að vera með slæðu á ákveðnu tímabili. Hér með mömmu og systkinum. Hef hnýtt slæðu á Siggu systur svo hún væri líka í tískunni.
Með Gunnar Þorgeir nýfæddan og yndislega ljósmóður mér við hlið, 15. október 1994. Engar konur finnst manni mikilvægari en ljósmæður.
Með pabba (Þorgeiri Þorsteinssyni lögreglustjóra og sýslumanni 1929-2013) á Þingvöllum.
Með lífverði forseta Ítalíu. Stjórn Feneyjanefndar átti fund með forseta landsins, Napolitano sem var að verða níræður í október 2014. Lífvörðurinn er ákaflega hávaxinn enda frá Svartfjallalandi.
Í Róm 2013; vinna við ítalska meiðyrðalöggjöf.
Með frumburðinn minn, Herdísi – nafnið hefur gengið niður marga ættliði allt frá 16. öld.
Með mömmu nýfermd. Fór í lagningu eins og allar stelpur þá.
Forsetaframboð 2012. Talaði um peninga í pólitík, mannréttindi og lýðræði. En það þurfti Bernie Sanders til (2016) að fólk færi að hlusta. Hef skrifað, talað og rannsakað tengsl fjármagns við fjölmiðla og pólitík í meira en 20 ár.
Með mömmu, Herdísi Tryggvadóttur og Siggu systur (Sigríður prófessor í heimspeki við HÍ) á Þingvöllum. Við sitjum á leiði Jónasar Hallgrímssonar – skáldsins og náttúruverndarsinnans.
Geng til fundar við ríkissaksóknara í Tyrklandi í janúar 2016 undir vökulu auga Kemal Atatürk, föður allra Tyrkja. Blaðamenn eru miskunnarlaust sóttir til saka fyrir skrif sín um pólitík í Tyrklandi um þessar mundir.
Yngsti bróðirinn skírður, Ófeigur Tryggvi í fanginu á mömmu. Sigga með perlufesti í fanginu á pabba; Steini í jakka með bindi og ég ábúðafull elsta systir á 7. ári.
Ungur blaðamaður á Morgunblaðinu. Hafði stundað nám í blaðamennsku á Fleet Street í London. Fannst ekkert skemmtilegra en að skrifa, skrifa, skrifa.
Sem nýkjörin forseti Evrópusamtaka kvenlögfræðinga afhendi ég Herman van Rompuy, forseta leiðtogaráðs Evrópusambandsins, penna eftir að hann flutti ræðu á ársþingi EWLA í Brussel 2010. Hann sagðist hafa vakað alla nóttina við að skrifa ræðuna.
Með forseta hæstaréttar Brasilíu, Ricardo Levandowski. Hann var á Fletcher School of Law í Boston eins og ég en útskrifaðist áður. Hæstiréttur Brasilíu úrskurðaði haustið 2015 að fjármögnun stórfyrirtækja í kosningum færi gegn stjórnarskrá landsins.
Kenndi mannréttindi við lagadeild Ivane Javakhishvili háskólans í Tbilisi haustið 2012.
Bauð bandaríska metsöluhöfundinum Barböru Ehrenreich á síðustu tengslanets-ráðstefnuna sem ég stóð fyrir árið 2010. Hún starfaði huldu höfði sem lágt sett þjónustustúlka á ódýrum matsölustað um langt skeið þegar hún skrifaði bók um þá sem minna mega sín.
Í kaffistofu starfsfólks Fríhafnarinnar í Leifsstöð í kosningabaráttunni 2012.
Mynd sem Jim Smart tók eftir að Herdís stofnaði tímaritið Heimsmynd 1986.
Með framsögu á fundi sem varaforseti Feneyjanefndar. Mér á vinstri hönd er Guido Raimondi, nýkjörinn forseti Mannréttindadómstóls Evrópu.
Hef unnið í að yfirfara lagasetningu í Rússlandi á sviði mannréttinda. Hér í rigningu á Rauða torginu í september 2013.
Var skipuð í stjórn Evrópsku lagaakademíunnar 2012. Hér ásamt annarri stjórnarkonu, Diana Wallis frá Bretlandi.
Þegar ég var hálfs árs fór ég með foreldrum, móðursystkinum og mökum þeirra að heimsækja föðurforeldrana og fjölskylduna fyrir austan. Myndin er væntanlega tekin af afa Tryggva Ófeigssyni, útgerðamanni en á henni er ég með ömmu Herdísi Ásgeirsdóttur og ömmu Sigríði Þorvarðardóttur Kjerúlf og afa Þorsteini Jónssyni, kaupfélagsstjóra. Þau bjuggu í Hermes á Reyðarfirði. Mikill vinskapur var með öfum mínum.
Fyrsta tengslanets-ráðstefnan sem ég skipulagði sem prófessor við lagadeildina á Bifröst 2004. Vinsælasta ráðstefna til valdeflingar fyrir konur, sem haldin var um langt árabil.
Í fornu klaustri í fjöllum Georgíu (2012).
Systkinin, Herdís, Sigríður og Ófeigur Tryggvi byrjuðu að stunda sjósund 2008.
Með Maríu Elísabetu, Herdísi, Hörð Tryggva og Gunnar Þorgeir um það leyti sem ég varði doktorsritgerð mína við lagadeildina í Lundi 2003. Ein með fjóra krakka sem urðu himinlifandi þegar það verk var frá.
Bauð Germaine Greer, einni þekktustu kvenréttindakonu heims á tengslanets-ráðstefnu 2006. Hún er beinskeytt með afbrigðum.
Við lögmannsstörf.
Á ættaróðalinu á Egilsstöðum á fámennum fundi í kosningabaráttunni 2012.
