Með Gavin Millar og Richard Clayton
Um þessar mundir vinn ég að ráðgjöf við meiðyrðalöggjöf fyrir stjórnvöld tveggja aðildarríkja Evrópuráðsins. Á myndinni eru samstarfsmenn mínir á þessu sviði:Gavin Millar sem er m.a. lögmaður BBC og Richard Clayton, sem er einnig lögmaður í Bretlandi.
Með Herman Van Rompoy
Nú stendur yfir undirbúningur fyrir árlega ráðstefnu Evrópusamtaka kvenlögfræðinga (EWLA) sem haldin verður í Róm í nóvember 2013. Ekki enn ákveðið hver verður aðalfyrirlesari en árið 2010 var það Herman van Rompuy forseti leiðtogaráðs Evrópusambandsins. Hann flutti ágætan fyrirlestur (sem okkur var sagt að hann hefði vakað yfir mest alla nóttina). Ég flutti erindi um hræringar í Evrópu og talaði m.a. um nýafstaðnar kosningar vorið 2010. Ég hef gegnt formennsku í EWLA frá 2009 (var endurkjörin 2011).
European Academy of Law
Er á leið til Trier ár árlegan fund evrópsku lagaaakademíunnar (ERA). Var nýverið skipuð í stjórn (board of trustees) og er hlutverk okkar að vera ráðgjafaraðili fyrirframkvæmdastjórnina um skipulag námskeiða o.fl. Evrópska lagaakademían er mörgum Íslendingum að góðu kunn en þangað sækja dómarar, saksóknarar og lögfræðingar í stjórnsýslu námskeið.
Með laganemum við Tibilisi háskóla
Nýlega fékk nemandi minn við lagadeild háskólans í Tibilisi styrk frá sænska ríkinu til að stunda nám í mannréttindum við lagadeild Lundarháskóla. Við ríkisháskólann í Tibilisi í Georgíu eru um 18 þúsund nemendur. Ég hef kennt námskeið i mannréttindum við lagadeildina.
Herdís og Mona Samadi
Var andmælandi við doktorsvörn hjá þessari ungu konu við lagadeild háskólans í Örebro í Svíþjóð. Mona Samadi skrifaði um tjáningarfrelsi, ærumeiðingar og islam.
Herdís, Tanja Koderman Sever, Nicole Mate og Eugenia Caracciolo di Torella
Undanfarin tíu ár hef ég starfað í teymi lögfræðinga sem vinna að því að skoða innleiðingu jafnréttistilskipana í löggjöf heimaríkis á grundvelli ESB og EES löggjafar. Á myndinni er ég með samstarfskonum á árlegum fundi í Brussel.
Á ráðstefnu í Tajikistan
Vegna starfa minna sem forseti Evrópusamtaka kvenlögfræðinga hef ég komið að ýmsum málum er varða jafnrétti kvenna.
Á ráðstefnu í Dushanbe í Tajikistan að tala um aðgengi kvenna að dómstólum en ofbeldi gegn konum er landlæg plága í þessu fátæka ríki.
Feneyjarnefnd og OSCE
Vinn nú að leiðbeiningarreglum um félagafrelsi sem ætlaðar eru löggjöfum aðildarríkja Evrópuráðs. Þetta er tveggja ára verkefni unnið samstarfi Feneyjarnefndar og Öryggis- og samvinnustofnunar Evrópu.
Réttindi barna í stjórnarskrám 47 aðildarríkja Evrópuráðsins er einnig langtímarannsókn sem ég ásamt fleirum vinn að um þessar mundir.
Vinn að rannsókn á lögum um landráð með Wolfgang Hoffman-Riem (lengst til hægri).
Stjórnskipun er heillandi fag en þar mætast fræðasvið menntunar minnar- lögfræði og stjórnmálafræði - þar sem mannréttindi, lýðræði og réttarríkið eru grundvallarstoðir þess samfélags, sem við viljum byggja.
{ 0 comments }
