Lögfræðileg ráðgjöf:   Í störfum sínum sem lögmaður hefur Dr. Herdís Kjerulf Þorgeirsdóttir lagt áherslu á samningaleið fremur en dómstólaleið við þá, sem til hennar leita og náð góðum árangri á því sviði.

Á sviði fjölskyldumála og innan fyrirtækja er ætíð árangursríka að reyna samningaleiðina fyrst.    

Áherslan er á að reyna að leysa öll mál áður en farið er með þau fyrir dómstóla.   Ráðgjöf varðandi mögulegar lausnir  til að ná niðurstöðu í erfiðum málum hvort sem þau lúta að samskiptum við hjónaskilnað, forsjá barna og umgengnismálum, vegna erfiðleika í samskiptum á vinnustað, vegna eineltismála, samskiptaörðugleika við yfirmenn, launamála,  vegna skipta á dánarbúum  eða vegna samskipta við fjármálafyrirtæki eða opinbera aðila. Fyrsta skrefið er að reyna að ná samkomulagi.  Dómstólar eru síðasta úrræðið ef ekki næst árangur fyrr.   

Dómstólaleiðin er kostnaðarsöm; ófyrirsjáanleg, langdregin, erfið og árangur oft í engu samræmi við útgjöld, tíma og áhyggjur sem fylgja málaferlum fyrir dómstólum.  

Einstaklingar sem íhuga hjónaskilnað ættu að leita ráðgjafar áður en þeir leita beint til sýslumanns. Það borgar sig að skoða allar leiðir, bæði fjárhagslegar og tilfinningalegar áður en ákvörðun er tekin um hjónaskilnað og upplausn fjölskyldu. 

Vegna starfa í lögfræðingateymi frá 25 Evrópuríkjum hefur Herdís sérstaka þekkingu á vinnurétti og jafnréttismálum.  Ráðgjöf og lögfræðiþjónusta varðandi mismunun á vinnustað vegna stöðuveitinga, framgangs í starfi, launamála og eineltismála.